Alpin keçisi (İngiliscə: Alpine goat) – Yaxşı süd istehsalına malik olan, orta və böyük ölçülü ev heyvanı. Bu cinsin müəyyən bir rəngi və ya naxışları yoxdur (lakin bəzi naxışlar istisna edilir). Onlar buynuzlu, düz üzlü və dik qulaqlıdırlar. Tarix Alpin keçisi, Alp dağları mənşəlidir. Yetkin dişi alpin keçilərinin çəkisi təxminən 61 kq, boyu isə 76 sm civarındadır. Alpin keçiləri ağ, boz, qəhvəyi və ya qaranın müxtəlif tonlarında ola bilər. Alpin keçiləri çoxlu süd verirlər. Südü yağ, pendir, sabun, dondurma və digər süd məhsullarına çevirmək mümkündür. Alpin keçiləri həm kommersiya süd istehsalı, həm də ev təsərrüfatları üçün süd verən keçilər olaraq geniş istifadə edilir. Növləri - Təmiz qanlı (Fransız): Fransız Alp dağlarından gələn orijinal tip. - Amerika alpin keçiləri: ABŞ-a gətirildikdən sonra digər genetik təsirləri qəbul edən alpin keçiləri. Amerika alpin keçiləri fransız Alp keçilərinə bənzəsə də, qarışıq nəsil nəticəsində daha az standart işarələrə və morfoloji xüsusiyyətlərə malik ola bilər. Xüsusiyyətləri Alpin keçisi orta və böyük ölçülü cinsdir. Erkək keçilərin omba hündürlüyü 81 sm, dişi keçiləri isə 76 sm-dən yüksəkdir. Onların kürkü qısa və orta uzunluqda, müxtəlif rəng və rəng qarışıqları ilə müşayiət olunur. Qulaqları dik, üzləri düz, bədənləri gözəldir. Hər hansı bir iqlimə uyğunlaşa bilən dayanıqlı təbiətə malik olduqları üçün, onları "hər şəraitə uyğunlaşa bilən" keçilər kimi qiymətləndirirlər. Alpin keçiləri 4-5 aylıq olduqda cinsi yetkinliyə çatır, lakin dişi keçilər ən azı 34-36 kq olana qədər çoxalmamalıdır. Dişi keçilərin hamiləlik müddəti ortalama 150 gündür. Ən çox əkiz bala versə də, tək, üçlük və hətta beşliklər də mümkündür. Alpin keçiləri dostcanlı və çox maraqlı olurlar, amma aqressiv olduqları da müşahidə edilir. "Amerika Süd Keçisi Assosiasiyası" ağ rəngli və "Toggenburg" naxışlı fərdləri rəsmi olaraq tanıyır. Südü Alpin keçisinin südü nisbətən az yağlıdır, ortalama yağ faizi 3.4%-dir. Süd, inək südündən daha çox şəkər ehtiva edir, lakin zülal miqdarı baxımından özünü balanslayır. 61 kq çəkisi olan alpin keçisi 969 kq süd istehsal edir. Yaxşı qidalanma, düzgün süd sağma prosedurları, çoxalmanın idarəsi və xəstəliklərə nəzarət süd istehsalına təsir edən amillərdir. Alpin südü, bütün keçi südləri kimi, insan istehlakı üçün ayrıldıqdan dərhal sonra süzülməli və soyudulmalıdır. Südün ən yaxşı saxlanma temperaturu 4.4 °C-dir. Südün soyudulması mütləqdir, çünki belə halda artıq bakteriya artımı olmur. İsti bakteriyalar daha sürətlə böyüyür və südün xarab olmasına səbəb olur. Soyudulmuş südün saxlanma müddəti təxminən 3-4 həftədir. Südün dondurulması onun saxlanma müddətini təxminən 4-5 həftə artırır.
https://en.wikipedia.org/wiki/Alpine_goat
https://a-z-animals.com/animals/alpine-goat/
https://breeds.okstate.edu/goats/alpine-goats.html
https://www.lvzoo.org/animals/alpine-goat/
https://www.goats.ca/alpine/
https://goatjournal.iamcountryside.com/goat-breeds/breed-profile-french-alpine-goats/
https://goatjournal.iamcountryside.com/goat-breeds/historical-background-of-alpine-goats/
https://thriftyhomesteader.com/alpine-goats/
https://aqronaft.az/2023/01/04/alpin-kecisi/
https://anabilgi.anadolu.edu.tr/?contentId=150950
https://www.roysfarm.com/alpine-goat/#google_vignette
Tarix : 23 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
