Alberobello kəndi - İtaliyanın cənubunda, Apuliya (Puglia) regionunun Bari əyalətində yerləşən unikal bir kənd. Bu kənd əsasən "trulli" adlanan qədim daş evləri ilə məşhurdur. Trulli evləri yuvarlaq formalı, daşdan tikilmiş və konik damlarla örtülmüş strukturlardır. Bu evlərin dizaynı, həm estetik, həm də praktiki məqsədlər üçün tikilib və onların UNESCO-nun Dünya İrsi Siyahısına daxil edilməsinə səbəb olub. Tarix Trulli evlərinin tarixi 14-15-ci əsrlərə gedib çıxır. Bu evlərin tikilmə texnikası o dövrdə vergi ödəməkdən yayınmaq üçün istifadə olunub, çünki bu strukturlar asanlıqla sökülə bilirdi. Trulli evləri quru daş texnikası ilə tikilib və sement istifadə edilməyib. Bu texnika evlərin davamlılığını və unikal görünüşünü təmin edir. Damların üzərində tez-tez simvolik şəkillər və naxışlar olur. Bu rəmzlər adətən dini, astroloji və ya mifoloji mənalar daşıyır. Trulli evləri yayda sərin, qışda isə isti olur. Bu, onların təbii izolyasiya xüsusiyyətlərindən irəli gəlir. Neapol Krallığında olan vergi ödənişlərindən yayınmaq üçün Trulli evləri tikilirdi. Vergi müfəttişləri gələndə evlər asanlıqla sökülüb, yoxlamadan sonra yenidən tikilə bilirdi. 1767-ci ildə Alberobellonun sakinləri Neapol Krallığına qarşı üsyan edərək Kral Ferdinand IV-ə müraciət etdilər. Bunun nəticəsində Alberobello müstəqil bir qəsəbə statusu aldı. Rione Monti Tarixi əhəmiyyətli və turistik məkanlara Rione Monti, Aia Piccola, Sant'Antonio Trullo Kilsəsini misal göstərə bilərik. Rione Monti məhəlləsi Alberobello kəndindəki ən məşhur və turistik məhəllədir. Bu ərazi trulli evlərinin ən sıx yerləşdiyi və kəndin əsas cazibə mərkəzi olan hissəsidir. Rione Monti 1000-dən çox trulli evindən ibarətdir və hər il minlərlə turisti özünə cəlb edir. Bu məhəllə UNESCO-nun Dünya İrsi Siyahısına daxil edilmişdir. Rione Monti, Alberobello kəndinin cənub hissəsində, təpə üzərində yerləşir. Bu məhəllənin dar küçələri daş döşəməli və ziqzaq şəkilli formadadır, bu da onu daha cazibədar edir.Burada yerləşən trulli evləri əsasən mağazalara, restoranlara və suvenir dükanlarına çevrilib. Aia Piccola Aia Piccola daha az turistik və daha sakit bir ərazidir. Burada hələ də trulli evlərində yaşayan yerli sakinlər var. Aia Piccola Alberobello kəndinin mərkəzində yerləşir və 5 hektar ərazini əhatə edir. Bu məhəllənin adı "kiçik həyət" mənasını verir və bölgənin tarixi təsərrüfat həyatı ilə əlaqəlidir. Aia Piccola, UNESCO Dünya İrsi Siyahısına daxil edilən Alberobello ərazilərinin bir hissəsidir. Aia Piccola, Alberobellonun tarixi və mədəniyyətini daha dərinlikdə öyrənmək istəyənlər üçün ideal bir yerdir. Buradakı sakitlik, sadəlik və autentiklik kəndin ənənəvi cazibəsini qoruyub saxlamağa kömək edir. Trullo kilsəsi Sant'Antonio Trullo kilsəsi, İtaliyanın Alberobello kəndində yerləşən və unikal trulli memarlıq üslubunda tikilmiş nadir kilsələrdən biridir. Kilsə, trulli üslubunun dini tikililərdə necə tətbiq oluna biləcəyini göstərən mükəmməl bir nümunədir. Bu kilsə həm dini, həm də memarlıq baxımından turistlər və tarix həvəskarları üçün böyük maraq doğurur. Kilsə 1926-cı ildə inşa edilmişdir və trulli memarlığına uyğun şəkildə dizayn edilmişdir. Bu tikili, Rione Montinin ən yüksək nöqtəsində yerləşir. Kilsənin əsas hissəsi böyük konik damla örtülmüşdür, bu da onun trulli evlərinə uyğunluğunu təmin edir. İnşaatda əsasən kirəmitdən istifadə edilib, bu da kilsəyə digər trulli tikililərində olduğu kimi sadə, lakin cəlbedici görünüş verir. Kilsə həmçinin romanesk memarlıq elementlərini də özündə əks etdirir, xüsusilə giriş tağlarında və pəncərələrdə bunu görmək mümkündür. Kilsə, Müqəddəs Antoniyə (Sant’Antonio) həsr olunmuşdur və kəndin sakinləri üçün əhəmiyyətli bir dini mərkəzdir. Hər il 13 iyun, Müqəddəs Antoniya günü burada xüsusi dini mərasimlər keçirilir. Sant'Antonio Trullo kilsəsi, Alberobellonun trulli memarlığının dini və estetik tərəflərini nümayiş etdirən unikal bir abidədir. Bu kilsə, kəndin mədəni irsini və dini həyatını bir araya gətirən nadir bir simvoldur. Mətbəxi Alberobello yerli mətbəxi ilə də məşhurdur. Burada təzə zeytun yağı, müxtəlif makaron növləri və dəniz məhsulları xüsusi yer tutur. Yerli festivallar və tədbirlər zamanı trulli evləri rəngli işıqlarla bəzədilir, bu da kəndi daha cazibədar edir. Qorunması Alberobello 1996-cı ildə UNESCO tərəfindən Dünya İrsi Siyahısına daxil edilib. Bu status kəndin qorunmasını təmin edir və turistik cazibəsini artırır. Alberobello, tarixi, memarlığı və mədəniyyəti ilə unikal bir yerdir və İtaliya turizminin incilərindən biri hesab olunur.
https://alberobellotourism.com/
https://www.italia.it/en/puglia/things-to-do/alberobello
https://guide.puglia.it/en/alberobello
https://kucukdunya.com/alberobello-gezi-rehberi/
Tarix : 19 yanvar 2025
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
