Acrobolbus pseudosaccatus, sinonimi Tylimanthus pseudosaccatus, bir mamır növü, (bryophyte) ailəsi olan Acrobolbaceaedən bitki növüdür. Bu ailə ağac gövdələrində, qayalarda və torpaqda inkişaf edir. Lakin müəyyən şəraitdə onlar epifit kimi davranaraq digər bitki növlərinin üzərində də böyüyə bilirlər. Təsviri Yarpaqlarının ucunda kiçik bir çökəklik var və kənarları incə dişlidir. Yarpaqları çox incədir və şəffaf yaşıldır. Bitkilər həm də möhkəm ölçüyə malikdir. Kənarlarının incə dişli olması Acrobolbus pseudosaccatusu Acrobolbaceae ailəsinin digər üzvlərindən fərqləndirir. Bununla belə, ən diqqətçəkən xüsusiyyəti çoxalma strukturlarıdır. Çoxalma strukturlarının yerləşməsi Acrobolbus pseudosaccatusu digər növlərdən dəqiq şəkildə ayırır. Sporofit (çoxalma strukturu) tumurcuq ucunda yerləşən bir kisədə inkişaf edir. Taksonomiyası Növ ilk dəfə 1963-cü ildə Tylimanthus pseudosaccatus kimi təsvir edilmişdir. Daha sonra Tylimanthus cinsi Acrobolbus ilə sinonimləşdirilmişdir, və Tylimanthus pseudosaccatus 2015-ci ildə Acrobolbus pseudosaccatus olaraq dəyişdirilmişdir. Yayılması və arealı Acrobolbus pseudosaccatus Cənub Yarımkürəsində, Avstraliyada yerləşir. Onlar Yeni Cənubi Uels, Viktoriya və Tasmaniyada, Cənub-şərqi Avstraliyaya endemikdir. Onların yaşayış mühiti nəmi qoruyan mühitlərdən ibarətdir. Əsasən meşələrdə rast gəlinə bilər. Acrobolbus pseudosaccatus orta yaşlı və ya köhnə meşə ekosistemlərində tapılır, çünki bu mühitlər bryofitləri qorumaq üçün əlverişlidir. Acrobolbus pseudosaccatus öz yaşayış yerlərində böyük əhəmiyyət kəsb edir, çünki onların mövcudluğu mikroyaşayış mühitləri yaradır. Bu mikroyaşayış mühitlərinin əhəmiyyəti ondan ibarətdir ki, digər orqanizmlərin sağ qalması üçün vacib olan mühit təmin edir. Bu orqanizmlərə protozoa, onurğasızlar və eukariotlar daxildir. Mikroyaşayış mühitlərinin əhəmiyyətli olmasının səbəbi bryofitlərin azot fiksatorları olmalarıdır. Digər orqanizmlər azota ehtiyac duyur, çünki azot bu növlərin böyüməsinə və inkişafına imkan yaradır və ümumilikdə torpağın keyfiyyətini yaxşılaşdırır.
https://en.wikipedia.org/wiki/Acrobolbus_pseudosaccatus
https://www.gbif.org/species/9235765
https://www.utas.edu.au/dicotkey/dicotkey/Lworts/ACROBOLBACEAE/sTylim_pseudo.htm
https://www.bryonames.org/synonymy?search=Tylimanthus+pseudosaccatus
https://www.gbif.org/species/2689299
https://doi.org/10.11646%2Fphytotaxa.202.1.8
https://www.anbg.gov.au/abrs/liverwortlist/liverworts_a_z.html
Tarix : 29 dekabr 2024
Əksi qeyd olunmayıbsa, bu məzmun CC BY-SA 4.0 çərçivəsində yayımlanır.
